நாட்டில் மத ஒற்றுமையை கட்டியெழுப்ப அரசாங்கமும், எதிர்க்கட்சியும் கண்டிப்பாக ஒத்துழைப்புடன் செயற்பட வேண்டியது அவசியமென சபாநாயகர் தெரிவித்துள்ளார்

Share Button

நாட்டில் மத ஒற்றுமையை கட்டியெழுப்ப அரசாங்கமும், எதிர்க்கட்சியும் கண்டிப்பாக ஒத்துழைப்புடன் செயற்பட வேண்டியது அவசியமென சபாநாயகர் கரு ஜயசூரிய தெரிவித்துள்ளார். கடந்த காலத்தில் நாட்டில் ஏற்பட்டுள்ள குழப்ப நிலையை தீர்ப்பதற்கு அரசாங்கம் மேற்கொண்ட சகல நடவடிக்கைகளுக்கும் எதிர்க்கட்சித் தலைவர் உள்ளிட்ட, எதிர்க்கட்சியினர் வழங்கிய ஒத்துழைப்பையும் சபாநாயகர் பாராட்டியுள்ளார். குருநாகலில் இன்று இடம்பெற்ற இலங்கையில் இனங்கள் மற்றும் மதங்களுக்கிடையிலான நல்லிணக்கம் தொடர்பில் பாராளுமன்ற விசேட செயற்குழுவின் நான்காவது பிரதேச செயலமர்வு இடம்பெற்றது.. இதில் கலந்து கொண்டு உரையாற்றும்போது சபாநாயகர் இதனை குறிப்பிட்டுள்ளார்.

எதிர்க்கட்சித் தலைவர் மஹிந்த ராஜபக்ஷ இந்த நிகழ்வில் கலந்து கருத்து தெரிவிக்கும்போது அரசாங்கத்தின் சகல நடவடிக்கைகளுக்கும் எதிர்ப்பைத் தெரிவிப்பது எதிர்க்கட்சியின் செயற்பாடாகாது என குறிப்பிட்டார். பொதுமக்களின் நலனுக்காக அரசாங்கம் மேற்கொள்ளும் எந்த நடவடிக்கைகளுக்கும் எதிர்க்கட்சி ஒத்துழைப்பு வழங்குமென அவர் குறிப்பிட்டார். பிரிவினைவாத செயற்பாடுகளை தடுப்பதற்கு, ஒன்றிணைந்த வேலைத்திட்டம் அவசியமெனவும் எதிர்க்கட்சித் தலைவர் கூறினார்.

Share Button

Leave a Reply

Your email address will not be published. Required fields are marked *